Sawali skin ko khoobsurat banane ke gharelu nuskhe – 

Aamtor par dekha gaya hai ki gori tvacha ko hamesha prathamikata milati hai . Baat chaahe shadi-vivaah ki ho ya kisi anye karye ki – gori ladakiyon ka chunaav shighrata se kar liya jaata hai . Lekin ye vicharo ki vyaktigat sankirnata hai . Sabse badi sundrata ki chamak to kisi yuvati ka aatmavishvaas hota hai . Sawali surat ka salonapan gore chitte cheharon se kahi jyaada prabhavashali sabit hua hai – Itihaas is baat ka gavah hai .

 Yahan par fairness tips or skin whitaining tips hindi mai di gayi hain jisase unako fayada hoga jo gori nahi hai lekin aakarshak dikhana chahati hai.
Sawali saloni abhinetri rekha dashakon baad aaj bhi sabhi ke dilon ki rani hai . Hema malini ke baare mein bhi logo ki yahi raye hai . Vahi doodh see dhuli ‘nikaah’ phem salama aaga ya ‘Raam teri ganga maili’ phem mandakini ko aaj kitane log yaad rakh paye hain . Tikhe nak-naks vali sanvale chhori sapat nain-naks vali gori chitti ladaki ke samane sada vajandar dikhati hai .

 Vegyaniko ki mane to tvacha ki adhikatar bimariyan gori tvacha ko hi apana shikar banati hain . Yadi kisi videshi ki gori tvacha ko paas se dekhen to vah laal-laal dano aur tilo se bhari milati hai . Gore logo ki tulana mein bharatiye aur Afriki logo mein tvacha ka kensar kam hota hai jabaki aastreliya ke logon ko tvacha ka kensar- sabase adhik hota hai .

 Kala rang ek tarah se tvacha ki suraksha ka kaam karata hai . Sanvali tvacha ka arth hai- adhik svasth tvacha . arthat ek tarah se roop ki rani banane ka sabase bada khajana kudarat ne aapako hi de diya hai . Bas jarurat hai, thode se rakharakhav aur dekhabhal ki .

 Sabase jaruri hai – tvacha ko svachh, svasth aur taja banaye rakhana . Thode se prayas aur sajagata se tvacha ke gaharepan ko saaf kiya ja sakata hai .

Sawali tvacha ko khoobasoorat banaane ke kargar nuskhe

➔ Hamesha kachche doodh se chehara saf kare .

 ➔ Mlayi mein nimbu ka ras aur chutaki bhar haldi milakar raat mein lagakar chhod de ya nahne se phle lagaye . Ise niyamit roop se istemal karane par kuchh hi dinon mein fark najar aayega .
➔ Imali ko bhigo den . kuchh ghanton baad isake pani ko chehare par ragad-ragadakar lagaen . tvacha ka sawlapan kam hone lagega .

 ➔ Khira aur tamatar ke ras ka mishran chehare ko kantivan aur saaf banata hai .

 ➔ Chane ki daal ko raat mein kachche doodh mein bhigo den . subah ise pisakar esme ek chutaki haldi mila de . Is lep ko chehare par lagakar sukhane de . Fhir ragadakar chhuda len . isase rang mein nikhar aayega .

 ➔ Bajar mein upalabdh paudar milk mein doodh milakar pest bana len . Ise chehare par lagaye . Chehare ki rangat nikhar jayegi .

 ➔ Mullani mitti mein chutaki bhar haldi milakar lagane se tvacha shighr hi saaf ho jati hai .

 ➔ Sawali tvacha ke liye besan ek behatarin ‘kkabar’ hai . besan mein thodi-si haldi milakar sabun ki jagah isaka prayog karen . tvacha avasye saaf ho jayegi . Lekin kabhi-kabhi kisi tvacha par besan ke karan dane nikal aate hai . yadi aisa ho to isaka prayog na karen .

 ➔ Nimbu glisarin aur gulabajal ke mishran ko raat mein sone se pahale chehare par lagayen . tvacha ka salonapan badh‌kar chehara kantiman ho uthega .

 ➔ Glisarin mein kesar milakar raat mein chehare par lagayen . chehare ki rangat badhane lagegi .

 ➔ Saphed chandan aur haldi ke lep ko raat mein sone se pahale ya nhane ke phle lagayen .

 ➔ Kachchi haldi ko ghisakar chehare par lagaye . Isse tvacha ki rangat saaf hoti hai .

 ➔ Sanvali tvacha valo ke liye chandan aur seb ka face pack sabse uttam mana jata hai .

 ➔ Shuddh Murdaashankh (jo pile patthar ke tukade ke saman hota hai) ko ghisakar chehare par lagaye . Rang saaf ho jayega .

 ➔ Lal masoor ki daal ke sath kuchh dane chiraunji aur postadana ko kachche doodh mein bhigo de . Phir isaka pest banakar pratidin chehare par lagaye . Sukhane par ragdakar dho dale . Chehara bedag, mulayam aur gora ho jayega .

 In nuskhon ko aajamane ke saath-saath ye dhyaan rakhen ki uchit rangon ke chunav se aapaka aakarshan dugana ho uthega . Sanvali tvacha par sadev halke rang hi achhe lgte  hain . Jyada chatak ya shokh rang vyaktitv ko utani garima pradan nahi kar paata jitana halke rang mein vah prabhavashali dikhata hai . Lipastik ki side aur nail paalish ke rangon ka chunav bhura ya chokaleti hi kare .